Rregullat e Dominos · Si luhet Domino

Gurët dhe lojtarët

28 gurë, nga 0|0 deri te 6|6. Secili lojtar merr 7.
2 kundër 2: ti dhe partneri përballë, kundër dy lojtarëve anash. Ndahen të 28 gurët.
1 kundër 1: 14 gurët e tepërt ose tërhiqen kur s'ke gur që hyn, ose mbeten jashtë loje. Zgjidhet para lojës.

Dorën e parë e hap kush ka dyshen më të lartë (te 2 kundër 2, 6|6), dhe hap me të.
Nga dora e dytë hap kush doli i pari në dorën e kaluar.
Guri vendoset në njërin nga dy skajet e vargut. Numri duhet të përputhet me skajin.
Kush s'ka gur që hyn, pason. Te 1 kundër 1 me tërheqje, tërheq derisa të gjejë një gur që hyn.

Kur dikush mbaron gurët, ana e tij merr pikët e gurëve që u mbetën në dorë kundërshtarëve. Guri vlen sa shuma e dy anëve: 6|6 vlen 12.
0|0 vlen 10 pikë kur i mbetet dikujt i vetëm në dorë. Bashkë me gurë të tjerë vlen 0.
Nëse loja bllokohet dhe askush s'ka lëvizje, fiton ana me më pak pikë në dorë dhe merr pikët e kundërshtarëve. Në barazim askush s'merr pikë.
Fiton ana që arrin e para 100 pikë. Në VITOWEB mund të zgjedhësh edhe 50, 150 ose një cak tjetër.

Shtyp LUAJ për një tavolinë 2 kundër 2 ose 1 kundër 1, ose krijo dhomë për shokët.
Çdo lëvizje ka 15 sekonda. Gurët në dorë i rregullon duke i tërhequr.