Rregullat e Murlanit · Si luhet Murlani

Letrat dhe lojtarët

Kuverta ka 54 letra: 52 letrat e zakonshme dhe dy xhokerë.
Ndahen të gjitha letrat: dy lojtarë marrin nga 14, dy të tjerët nga 13.
Në lojën 2 kundër 2 partneri ulet përballë teje. Mund të luhet edhe secili për vete.

Nga më e ulëta te më e larta. 2-shi është letra më e fortë pas xhokerëve.

Në fund: xhokeri i zi, pastaj xhokeri me ngjyra.

Kush hap, hedh një kombinim: një letër, çift, treshe, kolor, bombë ose flush.
Me radhë, të tjerët ose hedhin të njëjtin lloj kombinimi, më të lartë, ose pasojnë.
Kush pason mund të luajë sërish në të njëjtin raund.
Kur pasojnë të gjithë të tjerët, raundi mbyllet dhe hap sërish ai që luajti i fundit.
Kush mbaron letrat del nga dora. Dora vazhdon derisa të mbetet me letra vetëm një lojtar.

Kombinimi	Çfarë është	E mund vetëm
Letër, çift, treshe	1, 2 ose 3 letra me të njëjtin numër	I njëjti lloj, më i lartë
Kolor	5 ose më shumë letra radhazi	Kolori një shkallë më lart me po aq letra, bomba ose flush-i
Bombë	4 letra të njëjta	Bomba më e lartë ose flush-i
Flush	Kolor me letra të së njëjtës shenjë	Flush-i më i lartë

3-4-5-6-7 e mund vetëm 4-5-6-7-8. Jo 5-6-7-8-9, as një kolor me 6 letra.
Kolori 7-8-9-10-J-Q e mund vetëm 8-9-10-J-Q-K, një bombë ose një flush.
Asi mund të jetë lart (10-J-Q-K-A) ose poshtë (A-2-3-4-5). Në kolor 2-shi vlen si 2. Xhokerët nuk hyjnë në kolor.
Bomba mund çdo gjë përveç një bombe më të lartë dhe flush-it.
Flush-i mund edhe bombën. Flush-at krahasohen nga letra e fundit. Royal flush-i (10 deri A me një shenjë) është flush-i më i lartë me 5 letra.

Dora e parë e hap kush ka 3♠, dhe hedhja e parë duhet ta ketë atë.
Nga dora e dytë, kush doli i fundit i jep atij që doli i pari letrën e tij më të lartë. I pari i kthen një letër nga 3 deri te 10, cilën të dojë.
Pas shkëmbimit hap kush doli i fundit.
Nëse i fundit ka të dy xhokerët, shkëmbimi nuk bëhet dhe hap i pari.
Në VITOWEB shkëmbimin e shohin të gjithë në tavolinë: letra kalon hapur nga njëri te tjetri.

Në 2 kundër 2 ekipi merr pikët e të dy lojtarëve.
Fiton kush arrin i pari 21 pikë. Nëse dy palë e kalojnë 21 në të njëjtën dorë, caku bëhet 31, pastaj 41 dhe 51.

Shtyp LUAJ dhe brenda pak sekondash ulesh në tavolinë me lojtarë të tjerë.
Me shokët: krijo një dhomë dhe dërgoju kodin ose linkun në WhatsApp.
Çdo lëvizje ka 15 sekonda. Letrat në dorë i rregullon si të duash, duke i tërhequr.
Falas dhe pa shkarkim, në telefon ose kompjuter.